Ola, amigas e amigos do pasado!
Chegou o final do curso… e vaia curso máis incrible! Superastes misións complicadas, ideastes melloras para a aula, investigastes recunchos ocultos e incluso manexastes o tempo ó voso antoxo para cambiar o futuro. Estou moi orgulloso de vós!
Pero atención: o curso rematou, si… ¡pero as misións non!
Á volta das vacacións, haberá máis aventuras, novas tarefas e algunha sorpresa pendente.
Despois do verán, iremos vendo pouco a pouco os resultados do traballo feito: cousas que se transformaron, ideas que se puxeron en marcha, espazos que se irán volvendo máis vosos. Todo grazas á vosa imaxinación e esforzo.
Agora tócalle ao corpo e á mente descansar. No verán hai que cargar as pilas, xogar, rir, nadar, durmir, explorar… para volver en setembro con moitas ganas de aprender e preparados para superar novos retos que vos farán medrar aínda máis.
E antes de despedirme… teño que contarvos un segredo.
🔎 Revisando cousas na escola do futuro, atopei algo que quedou perdido na vosa aula dende a época da profe Raquel. Non sei como foi parar aí nin quen o deixou alí, quizais foi a propia Raquel? Non sei, pero aínda estades a tempo de atopalo no voso presente e algo me di que vos pode conducir a un tesouro oculto.
Só vos darei unha pista:
🕵️♂️ Está nun lugar ideal para agocharse… e darlle un susto aos mestres cando entran.
A ver quen o descobre primeiro!
Pasade un verán marabilloso,
unha forte aperta dende o futuro,
Roberto 🌟
