Conseguístelo

 

Xa case está

Ola amiguiños e amiguiñas, o outro día mandeivos os cuestionarios finais a fotocopiadora para ver se xa aprendestes o que necesitabades saber, saín tan disparado para ver se conseguistes evitar o incendio de sexta xeración da miña época e estaba tan contento vendo menos montes queimados, que esquecín escribirvos.

O certo é que a cousa xa está moito mellor co que sabedes agora! Pero desgraciadamente aínda non está todo feito, ocúrresevos algo que poidades facer aínda?

Mmmm... non o sei, pero quizais a música vos poda axudar, pensade algo!

Música contra o lume

 Ides no bo camiño, hoxe mirei pola fiestra e vin menos montes queimados no meu presente! Pero aínda queda moito que facer...

Mirade, tiven unha idea vendo un vídeo antigo, que vos parece intentar usar a música para axudar a cambiar os usos dos montes e evitar incendios de sexta xeración? Parécevos un disparate? Pois mirade vós mesmos o vídeo:

O voso presente

 Que ben o estades a facer! Xa vos mandei máis material para estudar o voso presente.

A seguinte tarefa será que busquedes unha actividade que se poda facer no monte comunal, teredes que explicalas e dicir os seus pros e contras. Os vosos pais e nais axudaranvos!

Mirando ó presente

 Moi bo traballo! Agora xa sabedes moito do pasado dos montes do Courel. Para seguir resolvendo o problema agora toca estudiar o voso presente para ver o que non funciona ben e o que necesitades cambiar.

Creo que as vosas nais e pais vos poden axudar moito, así que vos vou mandar outras entrevistas para que llas fagades a eles. Moito ánimo, que xa estamos preto!!

Descubrindo o pasado

 Bos días, amigos. Que tal foi o de entrevistar ós velliños? A que hai moito que aprender das persoas maiores!?

Ides no bo camiño, vouvos mandar máis materiais á fotocopiadora para axudarvos a entender o que recollestes nas entrevistas.

E moito ánimo, que xa estades no último mes do curso!